أكتر سؤال بتتسأله ك طبيب أسنان فى أى مكان خاصة لو كان تجمع عائلى 🙄

🎐 " هو أيه أحسن نوع معجون أسنان يا دكتور ؟ " 🎐🦷

💫 قبل ما نجاوب على السؤال دا .. لازم الأول أعرف أيه أهمية استخدام معجون الأسنان دا الأول ؟

✔️ بعد كل وجبة يأتى دور الجراثيم , الكائنات اللطيفة اللى ساكنة فى الفم , علشان تستمتع ببقايا الطعام اللى اتبقى على الأسنان .. 🦷

✔️ ومش بس كده , دا بعد ما حضرتها تخلص تقوم بإفراز بعض الأحماض اللى بدورها بتأثر على طبقة ال enamel وعلى المدى البعيد تسبب تسوس فى السنة دى 😣

✔️ علشان كده كان من الضرورى جداا غسل الأسنان بعد الأكل لتجنب حدوث التسوس👌

--------------

🔮 لالالالا ... خلاص أنا قررت أغسل سنانى على طووول ... بس يا ترى بقى استخدم أى معجون كده وخلاص ولا فى نوع معين أفضل ؟ 🤔

📌 فى أنواع كتييييرة جدااا من معاجين الأسنان .. بس قبل ما اختار النوع لازم الأول أشوف أنا محتاجه فى أيه ..

📌 هل محتاجه علشان عندى التهابات فى اللثة .. ولا محتاجه أغسل بيه أسنانى الحساسة .. ولا علشان مدخن ودا أثر على لون سنانى .. ولا محتاجه لطفلى علشان يحافظ على أسنانه ؟؟

📌 إذاً لازم اشخص حالة الفم الأول علشان أحدد نوع المعجون المناسب ليها 🍥

-------------

🔮 أنواع معجون الأسنان : 💫

1️⃣ معجون الأسنان المحتوى على #الفلوريد fluoride : 🥛

✨ الفلوريد دا معدن طبيعى بيساعد بشكل كبير على منع التسوس .. وحماية السنة من المواد الحمضية الضارة اللى بتفرزها البكتيريا 🎃

✨ بس ناخد بالنا إن فى بعض المناطق بيكون فيها نسبة الفلوريد أصلا عالية فى المياة .. فى الحالة دى نوع المعجون دا مش هيكون مناسب ليهم لأنه هيأثر على الأسنان بصورة سلبية .. ف لااازم يستحدم معجون تانى يكون ( No fluoride ) 🥤

🗼 Ex. Signal , Sensodyne , Close up , .......

***********

2️⃣ معجون الأسنان #المُبيِّض : Whitening 💭

✨ هو مش بيحتوى على مواد مبيضة , ولكنه يحتوى على بعض المواد الكيميائية ( cleansing agents & abrasives ) اللى بتساعد على إزالة التصبغات السطحية الموجودة على الأسنان .. وبالتالى السنان هتظهر بلون أفتح .. 😁

✨ يفضل استخدامه لو البيشنت مدخن Smoker .. لو بيشرب منبهات كتير زى الشاى والقهوه والنسكافيه ☕🍵

🗼 Ex. Sensodyne White , Colegate , ......

***********


3️⃣ معجون للأسنان الحساسة Sensitive : 🤢

✨ دا بقى يفضل استخدامه مع البيشنت اللى بيعانى من ألم فى اسنانه مع تغير درجة حرارة تجويف الفم .. 🍨☕

✨ ميزة النوع دا أنه بيحتوى على مادة ال potassium nitrate وبعض المواد الأخرى اللى بتقلل حساسية الأسنان عن طريق سد ال Cracks الصغيرة الموجودة فى السنة واللى بتتسبب فى الحساسية دى .. ✋

🗼 Ex. Signal , Sensodyne , .......

***********

4️⃣ معجون الأسنان الطبيعي #Herbal : 🌿

✨ النوع دا بيحتوى على مواد طبيعية تمنع التسوس وتحافظ على ال enamel وكذلك تقلل من التهاب اللثة

✨ فى بعض الأنواع منه لا تحتوى على فلورايد خااالص

🗼 Ex. Dabur Herbal , Miswak , ........

***********

5️⃣ معجون أسنان #الأطفال : 👧

✨ طبعا مع الأطفال بتبقى عندنا مشكلة فى الخوف من ابتلاع المعجون ..

✨ علشان كده بتكون نسبة الفلوريد فيه أقل وكذلك ال abrasives .. لأن سنان الأطفال بتكون حساسة أكتر مننا 👌

✨ بيكون متوفر ب lovely candy tastes علشان يجذب الأطفال ويستمروا عليه 🤚

🗼 Ex. Kids Crest , Oral-B kids , Signal kids ......

==================

Source : Asnan Masr