بسم الله الرحمن الرحيم



المره دي هنقول اندو
طيب بنتكلم على ايش في الاندو

احنا ناويين ناخد الاندو واحده واحده كده من اوله لآخره ان شاء الله



طيب يبأه هنقول ايه ؟؟؟؟
هنقول diagnosis
ركز معايا يا عمنا

مبدئيا كده الdiagnosis دا بييجي ازاااااي؟؟

# ييجي من شوية حاجات فوق بعضها كده
- اول حاجه المعلومات اللي انت بتاخدها من العيان
- تاني حاجه الحاجات اللي انت بتشوفها clinically في فم العيان
- تالت حاجه العلم اللي عندك اساسا و هو دا اللي بيرتب المعلومات السابقه و بيساعدك تاخد الحلو من هنا و تحطه على الحلو من هنا عشان تعمل السليمه


طيب اول حاجه بنعملها اننا بناخد الchief complaint من المريض و على حسب اللي هيقولهولي هبدأ اشوف

يعني قالي بيوجعني مع البارد = يبأه اول تست اني احط حاجه بارده على الضرس و اشوف
قالي بيوجعني مع المضغ = يبأه نبدأ بالبركشن 
و هكذا

طيب ناخدهم واحده واحده كده بأه
احنا ممكن نقابل ايه؟؟؟

# عندنا الآتي:
Reversible pulpitis
Irreversable pulpitis
Necrotic pulp
periapical periodontitis( acute & chronic)
periapical abscess (acute & chronic)
طيب و بعدين؟؟؟
احنا هنتكلم في البوست دا عن التلاثه اللي في الاول بس

طيب ناخدهم ورا بعض كده في السريع


الreversible pulpitis
العيان هيقولك ايه؟؟؟
هيقولك بيوجعني اساسا مع الساقع او السكريات
طيب الالم دايم
لا الالم مش دائم
يعني لما ياكل حاجه ساقعه يوجع راحت الحاجه الساقعه ما يوجعش
طيب ممكن يكون الالم دائم في الحاله دي امتى؟؟؟
 في حاله واحده بس انه ياكل حاجه مسكره و بتلزق في الاسنان فبالتالي الحاجه اللي عملالي المشكله موجوده فبالتالي الالم موجود فماتتلخبطش في الحته دي يا معلم بينه و بين الirreversable
 طيب دا طبعا مش محتاج اندو فقط حشو عادي

طيب اللي بعدو


ال irreversible pulpitis
هنا العيان نظامه ايه؟؟؟
هنا العيان هيقولك ساقع بيوجع
و سخن بيوجع
و الوجع شغال عل طوووول 
يعني بياكل حاجه ساقعه او مابياكلش بياكل حاجه سخنه او مابياكلش الوجع شغال
عرض مستمر يعني
دا طبعا محتاج اندو ضروري و ممكن تعمله على جلسه واحده مادام مادخلش في  periapical periodontist

طيب اللي بعدو

عندك الnecrotic pulp
طيب نظامه ايه دا كمان
دا عيان زي الفل
هيقولك ايه بأه؟؟؟
هيقولك الضرس دا وجعني قوي من فتره و خف لوحده جاي عشان الحقه اوعشان مكسور او مخروم
طيب البارد هيوجعه
لا
السخن هيوجعه
لا
طيب البركشن
لو لسا مافيش مشاكل periapical يبأه برضه لا
اومال ايه اللي هيأثر فيه
حاجه واحده بس
ايه هي يا معلم؟؟؟
اني اعمل عليه ابليكاشن بسخن لفتره طويله و مستمره
في الحاله دي هيوجعه لانك هتعمل تمدد للغازات اللي جوه اللي هتعمل ضغط اللي هيعمل الالم
طيب دا طبعا محتاج اندو بس ماينفعش على جلسه واحده
اومال هنعمل ايه؟؟؟؟
اول جلسه هنشيل البالب كله ماعدا الapical third 
طيب ليه يا معلم
 عشان انت ممكن لو عملت كده تزق شوية حاجات حلوه كده تحت الايبكس و كده هدخل نفسك في ليله تانيه
يبأه اول جلسه هنشيل تلتين البالب بس و نقفل
تاني جلسه هنشيل الباقي و cleaning & shaping
و نحط intracanal medication 
تالت جلسه اوبتيوراشن


طيب فيه كام نقطه كده عالسريع


فيه حاله كده يسموها hot case 
دي نادره شويه
طيب دي ايه حكايتها
دي حاله فيها الم شديد و مابيريحوش غير الساقع 
هتلاقيه جايلك و في ايده زجاجه ميه ساقعه 
 طبعا دا لازم تبدأ معاه اندو على طول

طيب فيه كمان حاله كده 

اللي هي ايه يا معلم

اللي هي asymtomatic irreversable pulpitis
دا بأه عيان باشا
دا مر بكل المراحل
حلوها و مرها
و دلوقتي الضرس عامل زي الحله و ديييييييب جدا 
و مابيوجعش نهائي ولا عمره وجعه
طيب لما تشوف حاله كده لاااازم قبل ما تمد ايدك لازم تقله ان فيه احتمال يبأه محتاج اندو 
 عشان ممكن و انت بتعمل اكسكافاشن بس ممكن تفتح البالب و لو حلفتله على الميه تجمد بعد كده انه اساسا عايز اندو مش هيصدقك لانه عمره ماوجعه في حياته
طيب ايه كمان
الكالسيوم هيدروكسيد اللي بنحطه في الكانال 
اخره سبع ايام
بعد كده مالوش اي تأثير 
 يبأه لازم نشيله و نحط جديد بعد سبع ايام لان فيه ناس بتسيبه اسبوعين و يمكن شهر كمان و مفكرين ان كل دا هو شغال و بيجيب تأثير
طيب حاجه كمان
البالب لو vital و مافيش اي مشاكل preapical ممكن اخلص الحاله في زياره واحده 
طيب ايه كمان
لازم تشيل البالب بالكامل في اول زياره لو مش هتخلصه في زياره واحده
البالب necrosed او فيه اي مشاكل periapical ماينفعش اخلص الحاله على زياره واحده نهائي

طييييييييييييييييييييييييييييب

ركز معايا يا عمنا
احنا اتكلمنا عن ايه؟؟

افتكر معايا كده 
احنا اتكلمنا عن ال
Reversable pulpitis
Irreversable pulpitis
Necrosis


طيب كل اللي فات دا كان فيه البكتيريا بنت حلال و قاعده جوا الكانالز و مافكرتش تخرج براها
طيب اول ما الشيطان يبدأ يلعب في عقل البكتيريا  و يقولها تعالي نخرج من الكانال اللي احنا عايشين فيها دي عشان نشوف الدنيا
يبأه احنا كده قدامنا حماده تاني غير اللي فات دا
طيب ايه بأه اللي بيحصل
بييبدأ يظهر واحد من اللي جايين دول

periapical periodontist (acute & chronic)
periapical abscess (acute & chronic)

طيب ناخدهم بأه واحده واحده كده
periapical periodontitis 
 هنا يبدأ الألم مع البركشن

طيب اولا عندنا الacute
هنا هنشوف ايييه؟؟؟
اولا هيبأه فيه الم شديد جدا و مستمر
الالم مع اللمس بس بيكون شديد جدا 
في الx-ray مش هتشوف حاجه يعني normal 
اخرك تشوف شوية widening في الlamina dura
 خلي بالك بأه انك لما تيجي تكشف على العيان دا المس الضرس الاول بصباعك لانك لو عملت بركشن هتلاقي العيان بيخبط في السقف و يردلك تاني على الكرسي

طيب ايه كمان؟؟؟؟؟؟؟
و انت شغال اشتغل بالراحه جدا 
يعني هات بير جديد و اشتغل بالراااااااحه كأنك بتعمل brushing على الtooth كده لان العيان دا اكتر حاجه هتوجعه الضغط على الضرس

طيب عندنا ايه كمان؟؟؟؟؟؟؟
عندنا ال chronic
ايه نظامه دا كمان
دا بأه جايلك من غير اي الم
طيب نعمل بركشن
برضه مافيش الم
طيب خد x-ray كده و شوف
هتلاقي ليجن محترم تحت الضرس
طبعا العيان دا بيبأه جايلك عشان الضرس مخروم او وجعه فتره و بطل
 افتح اكسس و اندو على طول



طيب اللي بعدو ايه؟؟؟؟
periapical abscess
الاول هنتكلم عن الchronic
ليه يا عم مش نتكلم عن الacute الاول؟؟؟

هقولك ليه هنتكلم عن ال chronic الاول كمان شويه
طيب ايه نظامه؟؟

لو عملنا بركشن مش هيوجع
طيب الساقع
برده مش هيوجع
السخن؟؟
برده مش هيوجع
طيب ناخد x-ray و نشوف كده
بص معايا شايف الليجن اللي تحت الضرس دا 
مش بيفكرك بحاجه الكلام دا؟؟؟

اه دا نسخه من periapical chronic periodontitis
طيب نفرق ازااااااي يا حلو بينهم؟؟؟؟
ال chronic abscess دايما بيكون فيه sinus tract 
و هو دا اللي بيفرقه عن الchronic periodontitis
و عشان كده اتكلمنا عن الchronic abscess الاول قبل اللacute

طيب نقول الperiapical acute abscess
اولا فيه الم
فيه ورم محترم ( مافيش sinus tract تصرف)
طيب البركشن؟؟؟
هيسبب الم شديد
طيب السخن؟؟
مش هيعمل حاجه
الساقع؟؟
برضه مش هيعمل حاجه
(لأن البالب necrotic)
طيب ناخد x-ray بأه و اكيد هنشوف ليجن كبير لانه وارم اهه
لا يا حلو مش هتشوف حاجه
الx-ray هتبأه normal
طيب ليه؟؟؟؟
لان هنا المشكله كبرت بسرعه و مالحقتش تاخد و تدي مع العظم لكن في الchronicc الخراج كان فاتح لنفسه مصرف فالعظم قاله انت راجل محترم و عشان كده هسيبك تعيش 
فبدأ الخراج يرحرح كده و يكبر براحته تحت الضرس 
اما الacute فده راجل غشيم حب يضرب العظم و ياخد مكان قان العظم طارده على اللsoft tissue

طيب امتى الchronic يقلب acute ؟؟؟؟؟؟؟
لما يقل ادبه و يقرر يقفل المصرف بتاعه
يعني لما الsinus tractt تقفل لاي سبب من الاسباب

طيب ناخد بالنا بأه من شوية حاجات كده
في الperiapical periodontits 
لازم نعمل ريليف للاوكلوجن 
ايه كمان؟؟؟
ماينفعش يخلص في جلسه واحده حتى لو كان البالب vital 
(الpreapical periodontits ممكن يكون البالب vital او non-vital)
ايه كمان؟؟؟
الpreabical abscess دا لازم هيكون necroticc يعني ماينفعش يخلص طبعا في جلسه واحده



خلي بالك بأه لما تكشف على المريض لازم تبص على كل حاجه
يعني على الضرس
على الgengiva
على الbuccle sulcus و على الpalatal في الupper
و على الbuccle sulcus و على الsublingual في ال lower
لان الورم او الsinus tract ممكن يكون في اي مكان من دول
طيب ايه كمان

نبص على الموبيلتي
لو مافيش موبيلتي يبأه قشطه 
لو فيه موبيلتي 
يبأه هنعمل اييه؟؟؟؟؟
نقيس البوكت يا معلم
طيب لو مافيش بوكت
يبأه دا periodontist عادي و الموبيلتي هتروح بعد ما الاندو يخلص
طيب لو فيه بوكت 
يبأه الموبيلتي من مشكلة بريو يا ريس و لازم تنظف البوكت 
طيب ايه كمان
لو فيه ورم يا اما يبأه soft و flucent و في الحاله دي هنحتاج نعمل incision و drainage 
طيب لو كان hard دا بيبأه مافيهوش pus دا كل اللي فيهbloodd فبالتالي مش هنعمله حاجه