*#درس_خصوصي  #عالم_الإيبكس_لوكاتور*

الأسئلة الشائعة بخصوص أجهزة الايبكس لوكاتور عامة:
كتيير مننا للأسف إتخرج من الجامعة من غير مايشتغل علي جهاز ايبكس لوكاتور او مشتغلش بالصورة الكافية اللي تخليه محترف في إستخدام الأجهزة دي.... #جاهزين؟

أجهزة الايبكس لوكاتور فكرتها ببساطة تعتمد علي الشحنات الكهربائية ( دائرة كهربائية ) بالتالي تحتاج لتهيئة الظروف المناسبة ليها لضمان أنها تعمل بطريقة صحيحة وتعطي قراءات سليمة. 
هنتعلم إنهاردة حاجات كتير عن الإيبكس لوكاتورز في صورة أسئلة وأجوبة وبطريقة سهلة وبسيطة علمية وعملية:

س: طيب أنا لسه جديد في الإيبكس لوكاتور أو مش دايما بيظبط معايا ... محتاج نصائح وتعليمات أتبعها عشان يقيس صح بطريقة سهلة وبسيطة؟
: أولا: خلينا متفقين إن جهاز الإيبكس لوكاتور مش ساحر وإننا لازم نهيأ ليه الظروف المناسبة عشان يشتغل صح..
1- أول حاجة بعد ال Access  المظبوط ... الفايل يكون داخل القنوات مستقيم وحر ومن غير ميكون لامس أي حاجة تأثر علي الدائرة الكهربائية زي مثلا:
 old amalgam or metal crowns.
2- يتم عمل patency  بمانيوال فايل #10 & #15  مثلا ونتأكد إنه وصل للإيبكس.
3-نعمل irrigation  كويس للقنوات .
4-نعمل flaring  للقنوات بإستخدام فايل الorifice opener  في ال .coronal one third
5- الفايل المانيوال اللي هنستخدمه نقيس بيه لازم ميكونش looseفي القنوات .. و يكون tight فال
apical one third 
فلازم نختار مقاس مناسب.
6-مهم أوي نعمل Isolation كويس جدا وأهم شئ ان ال Pulp Chamber تكون Dry  تماما أما القنوات فعادي 
إنها تكون 
Wet or Dry or even in pus and bleeding
7- في بعض ال Tricks اللي بنستخدمها عشان نتأكد إن الجهاز مركز وبيقرأ صح مع كل حركة .. زي إنه بعد مايوصل لل00  ندوس أكتر ونخليه يعدي الايبكس
 ويعطي قراءات بالMinus  ونرجع تاني لل 00 عشان نشوف إنه لاقط أقل حركة أو لأ.
8-يفضل نوقف عند ال 03 أو نصف ميللي قبل الإيبكس عشان نبقي سايبين safety zone  عشان نتجنب اي violation for the apex 
وفي مدارس بتحب ال .00 Flushing
9-Radiographic apex sometimes is different than the anatomical apex
لو إنت مطبق الخطوات تمام والإيبكس شغال كويس بنمشي وراء الجهاز مش ورا ال Xray  لأنه أدق.

س: جهاز الإيبكس لوكاتور كان شغال كويس جدا وفجأة بدأ يعطي قراءات خاطئة .. إيه السبب ؟
: أسلاك الإيبكس لوكاتور تعتبر من مستهلكات الجهاز اللي ليها عمر افتراضي وبتحتاج للتغيير كل فترة خاصة الفايل كليب .. زي ماتفقنا ان أجهزة الايبكس لوكاتور عبارة عن دائرة كهربائية عشان كده أقل مشكلة أو تلميس  في أسلاك الجهاز هيسبب انه يعطي قراءات غير ثابتة وخاطئة .. لذلك أول شئ نتأكد منه هي الأسلاك والوصلات ( File Clip , Measuring Cable )

س: طيب إزاي أحافظ علي الأسلاك وأطول عمرها ... وأعرف إزاي إن المشكله منها؟ 
: أولا: الفايل كليب عبارة عن قطعة بلاستيك بداخلها سلك ... لازم التعامل معاها بحرص شديد وتجنب تماما الشد وقت تركيبه او فكه وبالنسبة للتعقيم لابد من تعقيمه داخل  pouchفي دورة القطن في الأتوكلاف عند درجة حرارة 121 تقريبا وضغط أقل من دورة تعقيم الأدوات المعدنية .. عشان لو إتعقمت كتير مع الأدوات المعدنية مع الوقت جزء داخلي منها بيسيح ويسبب القراءات الغير ثابتة أو الخاطئة.
ثانيا : في طريقة بنختبر بيها الفايل كليب وال measuring cable إننا نشغل الجهاز ونلمس الفايل كليب بالليب هووك ( أكننا قفلنا الدائرة الكهربائية للجهاز ) المفروض يعطي قراءة إنه معدي الإيبكس 
( Over or -3 ) بس تكون ثابتة مش مهزوزة أو متغيرة طول ما إحنا ملمسين الفايل كليب بالليب هوك... لو ده محصلش أول شئ نفكر فيه إننا نغير الفايل كليب لأن المشكلة بنسبة 90% بتكون منه 
بعديه ال measuring cable  بنسبة أقل.